बालबालिकालाई तातो हावा वा लूबाट कसरी जोगाउने ?

बालबालिकालाई तातो हावा वा लूबाट जोगाऔं ।

साथमा सधैभरी पानीको बोतल राखी राखौं ।
कागती पानी, नरिवल पानी, ताजा फलफूलको रस नियमित रुपमा सेवन गरौं ।
हल्का रंगको सुतीको कपडा लगाऔं ।
टाउको ढाकी राख्न लगाऔँ । कपडा, टोपी, छाताको प्रयोग गरौं ।
गर्मीको समयमा पत्रु खाना (जंक फड्स) को प्रयोग नगरौं । ताजा फल, सलाद र घरमै बनाएको खानेकुरा खाऔं ।
दिउँसो १२ बजेदेखि ४ बजेसम्मको कडा घाममा घरबाहिर सकेसम्म निस्कन नदिऔं । बिहान वा साँझको समयमा खेलौं वा खेल्न लगाऔं ।
यदि बालबालिकालाई रिंगटा लागेमा, वान्ता भएमा, धेरै टाउको दुखेमा वा सास फेर्न अप्ठ्यारो भएमा तुरुन्तै नजिकैको अस्पताल वा स्वास्थ्य चौकी लैजाऔं ।