सर्पदंशबाट सुरक्षित रहौं

आफ्नो घर वरिपरि सफा राख्नुहोस्। सर्पहरू अग्लो घाँस, फोहोरको थुप्रो, कसिङ्गर र दाउराका खात आदिमा लुकेर बसेका हुनसक्छन्।
सर्पहरु अन्न भण्डारमा आकर्षित हुन्छन्। खाद्यान्न भण्डारण गर्ने ठाऊँहरुमा मुसा, लोखर्के आदि लुकेर बसेका हुनसक्छन्।
सर्पहरुबाट टाढा रहनुहोस्। सर्पहरुलाई नचिढाउनुहोस् वा नजिस्काउनुहोस्।
काम गर्दा सावधानी अपनाउनुहोस्। लामो लट्डीको प्रयोग गरी जमिनमा ठ्याकठ्याक बजाउंनुहोस्।
रातमा सावधानी अपनाउनुहोस्। लामो लट्डीको प्रयोग गरी जमिनमा ठ्याकठ्याक बजाउंनुहोस् र रातमा सधै टर्च लाइटको प्रयोग गर्नुहोस्।
भुईमा नसुत्नुहोस्। भुलभित्र सुत्नाले सर्पहरु भित्र छिर्न सक्दैनन्।
जुत्ता र लुगाहरु सधै रामररी जाँच गर्नुहोस्।
मरेका सर्पहरूलाई नचलाउनु होस्। सम्भव भएमा डाक्टरलाई देखाउन सर्पको फोटो खिच्नुहोस्।
बालबालिकाहरूलाई सर्पबाट बच्ने उपाय र रोकथामको बारेमा शिक्षित गर्नुहोस्, किनकि उनीहरू सर्पको टोकाइको जोखिममा बढी पर्छन्।
उनीहरूलाई खाली खुट्टा हिँड्न नदिनुहोस् र सर्प नछुने वा त्यससँग नखेल्ने बारेमा स्पष्ट जानकारी दिनुहोस्।
सर्पको टोकाइबाट बच्न र टोकिएको खण्डमा कसरी प्रतिक्रिया जनाउने भन्ने विषयमा समुदायमा जागरूकता बढाउनुहोस्।

अघिल्लो